சுய ஆறுதலுக்காக

தைத் திருநாள்தான் எனக்குப் (தமிழர்) புத்தாண்டு. அன்று எழுதிய கவிதை சில தவறுகளுடன் வெளிவந்தபோது வருந்தினேன் (இங்கு அல்ல). ஆகவே என் சுய ஆறுதலுக்காக இதோ இங்கே இப்போ!

புது வருடம். . .
சோலைக்குயில்கள் கீதம்பாடித்
துயிலெழுப்ப
காலைக் கதிரவன் கிழக்குவாசல்
வரக்கண்டு
வான்மேகம் செவ்வர்ணம்
பூசி நிற்க
நீலக் குயில்கள் நீண்டதொரு
வாழ்த்திசைக்க
சின்னப்பறவைகள் அணிவகுப்பென
சிறகடிக்க
நாள் ஒன்று விடியும் - இப்படி
முன்றரை நூறுகளில் வருடமாய் நிறையும்
 

மறுபடி
நாளையும் விடியும்!
விடிகிற விடிவு எமக்கெல்லாம்
விடிவைத் தரும் விடியலாய் விடியட்டும்
புத்தாண்டு வாழ்த்துக்கள்!